Our Lady Of Medjugorje

Messages From 2004 In Papiamento

Mensahe di dia 25 di yanüari 2004 "Mi yunan stimá! Awe tambe Mi ta invitá boso pa resa. Resa, mi yunan stimá, spesialmente pa esnan ku ainda no a konosé amor di Dios. Resa pa nan kurason habri i pa nan aserká mi kurason i kurason di mi Yu, Hesus; pa nos por kombertí nan den hende di pas. Danki pa korespondé na mi yamada!" 01/2004

Mensahe di dia 25 di febrüari 2004 "Mi yunan stimá! Awe tambe, manera nunka Mi a hasié ántes, Mi ta invitá boso pa habri boso kurason pa mi mensahenan. Mi yunan stimá, boso sea esnan ku ta atraé almanan pa Dios i nunka esnan ku ta alehá almanan for di Dios! Mi ta ku boso i mi stima boso ku un amor grandísimo. Esaki ta tempu di penitensia i di kombershon. Fo´ i profundo di mi kurason, Mi ta invitá boso pa boso pertenesé na Mi ku henter boso kurason. Anto, boso lo ripará ki grandi Dios ta, pasaobra E lo bendishoná boso i E lo duna boso e pas ku no ta kaba nunka. Danki pa korespondé na mi yamada!" 02/2004

Mensahe di dia 25 di mart 04 "Mi yunan stimá! Awe tambe, Mi ta invitá boso: habri boso kurason pa orashon. Na un manera spesial awor, durante e tempu santu akí di grasia, mara boso por habri boso kurason, mi yunan stimá, i por manifestá boso amor pa mi Yu Krusifiká. Di e manera akí so boso lo por deskubrí e don di pas, i boso orashon lo ta un fuente inagotabel ku ta sali for di boso kurason pa henter mundu. Boso sea un ehèmpel bibu pa hasi un trabou di animashon pa pone tur hende hasi bon. Ami ta ku boso i Mi ta stima boso tur. Danki pa korespondé na mi yamada!" 03/2004

Mensahe di dia 25 di aprel 04 "Mi yunan stima! Awe tambe Mi ta pidi boso di biba mi mensahenan ku mas amor, profundidat i humildat mas ku nunka, pa Spiritu Santu yena boso ku su grasia i su forsa. Di e manera akí so boso por ta testigu di pas i pordon. Danki pa korespondé na mi yamada!" 04/2004

Mensahe di dia 25 di mei 2004 "Mi yunan stima! Awe tambe Mi ke animá boso pa konsagrá boso na mi Kurason Imakulá i na Kurason Sagrado di mi Yu Hesus. Ku esaki boso lo bira di Mi un tiki mas tur dia i boso por koperá ku otro pa boso tur por bira santu. Asina mi legria lo reina den boso kurason i boso lo ta hende di pas i amor. Danki pa korespondé na mi yamada!". 05/2004

Mensahe di dia 25 di yüni 2004 "Mi yunan stimá! Mi kurason ta yen di legria. Mi ke yama boso tur danki pasobra boso ta yuda Mi hasi mi proyekto bira realidat. Kada un di boso ta masha importante pa Mi. P´esei, mi yunan stimá, resa i legra huntu ku Mi pa kada un di e kurasonnan ku a kombertí i ku a bira instrumento di pas pa henter mundu. E gruponan di orashon ta fuerte. Pa medio di nan, Mi por kontemplá e obra maravioso ku Spiritu Santu ta realisá na mundu. Danki pa korespondé na mi yamada!" 06/2004

Mensahe di dia 25 di yüli 2004 "Mi yunan stima! Mi ta invitá boso un biaha mas, keda habrí pa mi mensahenan. Mi yunan stimá, Mi ta deseá aserká boso tur na mi Yu Hesus. P´esei, boso resa i yuna. Mi ta invitá boso na un manera spesial, pa resa pa mi intenshonnan, pa Mi por presentá nan na mi Yu Hesus. Di e manera akí, E por transformá boso kurason i habrié pa stimashon. Na e momento ku boso tin amor den boso kurason , pas lo reina den boso. Danki pa korespondé na mi yamada!". 07/2004

Mensahe di dia 25 di ougùstùs 2004 "Mi yunan stimá! Mi ta invitá boso pa kombertí boso kurason. Tuma un desishon firme, meskos ku tempu di mi promé aparishon aki, pa un kambio total di boso bida. Di e manera akí, boso lo haña forsa pa hinka rudia i dilanti di Dios habri boso kurason. Dios ta skucha boso orashon i E lo konsedé boso loke boso pidi. Mi ta intersedé serka Dios pa kada un di boso. Danki pa korespondé na mi yamada. 08/2004

Mensahe di dia 25 di septèmber 2004 "Mi yunan stimá! Awe tambe mi ta invitá boso pa boso sea amor kaminda tin odio, alimento kaminda tin hamber. Mi yunan stimá, habri boso kurason i mara boso man ta habrí i generoso pa tur hende i, pa medio di boso, nan por gradisí Dios Kreador. Resa, mi yunan stimá, i habri boso kurason na Dios su Amor. Boso no por logra esaki si boso no resa. P´esei, resa, resa, resa. Danki pa korespondé na mi yamada". 09/2004

Mensahe di dia 25 di òktober 2004 "Mi yunan stimá! Esaki ta un tempu di grasia pa famia, p´esei, Mi ta invitá boso pa renobá boso orashon. Mara Hesus por biba den kurason di boso famia. Boso siña stima tur loke ta santu, pa medio di orashon. Imitá bida di Santunan, pa nan sea pa boso un motivashon i pa nan ta boso maestro riba e kaminda di santidat. Ku kada famia por bira testigu fiel di amor den un mundu sin orashon i sin pas. Danki pa korespondé na mi yamada". 10/2004

Mensahe di dia 25 di novèmber 2004 "Mi yunan stimá! Durante e temporada akí Mi ke invitá boso pa resa pa mi intenshonnan. Mi yunan stimá, resa na un manera spesial pa esnan ku no a eksperensiá Dios su amor i no ta buska Dios, e Salbador di mundu. Mi yunan stimá, boso mester ta mi mannan di strèk pa aserká nan na mi Kurason i na Kurason di mi Yu Hesus. Dios lo laga rende bendishonando boso ku tur sorto di grasia- i fabornan. Danki pa korespondé na mi yamada." 11/2004

Mensahe di dia 25 di dezèmber 2004 "Mi yunan stimá! Awe tambe ku gran alegria mi ta trese pa boso mi Yu den mi brasanan. E ta bendishoná boso i E ta invitá boso pa biba na pas. Resa, mi yunan stimá, i sea testigu balioso di e Bon Notisia den kada situashon. Ta asina so, Dios lo bendishoná boso i duna boso tur loke boso pidi ku fe. Ami ta ku kada un di boso, te ora Dios Altísimo pèrmití Mi. Mi ta interesedé pa kada un di boso ku gran amor. Danki pa korespondé na mi yamada!" 12/2004


BackHomeOverviewInfo
Last Modified 12/27/2004