Our Lady Of Medjugorje

Messages From 2002 In Papiamento

Mensahe riba 25 di pugùstùs 2002 "Mi yunan stimá! Awe tambe Mi ta huntu ku boso i Mi ta resa pa boso fe bira mas fuerte ainda.Mi yunan stimá! Boso tin un fe hopi suak i boso no ta konsiente di esaki. P' esei, boso no ta buska ku henter boso kurason Dios, Kende por duna boso un fe fuerte. Pa e motibu aki, Mi ta huntu ku boso pa yuda boso komprondé, mi yunan stimá, mi mensahenan i yuda boso pa boso praktiká nan. Resa, resa, resa pasobra dor di boso fe i boso orashon só, boso alma lo haña pas i henter humanidat e legria di biba den Dios. Danki pa boso tende mi yamada." 08/2002

Mensahe riba 25 di sèptèmber 2002 "Mi yunan stimá! Tempu ku nos ta bibando ta masha intrankil. P' esei, Mi ta invitá boso pa hasi orahon. Mi yunan stimá! Mara boso por pidi Dios e don di su pas, pa e mundu aki, pa kada persona por sinti stimashon pa pas. Ora un alma sinti pas den Dios, e ora ei, e ta sinti su mes felis, i amor lo kuminsá plama rònt mundu. Na un manera speshal, mi yunan stimá,boso mester biba komo testigunan i mensaheronan di pas. Pas den boso mes kas di famia i, dor di boso, mundu lo yena ku pas. Danki pasó boso a tende mi yamada!" 09/2002

Mensahe riba 25 de novèmber 2002 "Mi yunan stimá! Un biaha mas Mi ke hala boso atenshon i yama boso pa kombertí boso. Mi yunan stimá! Mara boso por habri boso kurason na Dios pa medio di un bon Konfeshon sakramental serka un pastor i prepará boso kurason pa pèrmití Dibino Niño Hesus nase den boso kurason. Mi ta pidi boso: laga Dios transformá boso, lag´ É hiba boso riba e kaminda di pas i di alegria. Mi yunan stimá! Boso mester hasi orashon hopi mas, na un manera speshal durante e tempu aki (di Atvènt), ku ta un tempu di grasia. Mara boso kurason por anhelá bira hende di orashon. Mi ta ku boso i Mi ta intersedé dilanti di Dios pa boso tur. Danki pasobra boso a tende mi yamada!" 11/2002

Mensahe riba 25 de dezèmber 2002 "Mi yunan stimá! Esaki ta un tempu di grasia, pero tambe un tempu ku hopi problema pa tur esnan ku ke sigui e kaminda di pas. P´ esei, mi yunan stimá, un biaha mas, Mi ta invitá boso: resa, resa, resa; mas no ku palabra so, sino fo´ i boso kurason. Mi ta pidi boso: mara boso por biba mi mensahenan i kambia boso bida. Boso mester bira konsiente di e don ku Dios a duna Mi: esun di Mi por biba huntu ku boso, na un manera spesial, awor ku Mi ta karga na mi pechu mi Yu dibino, Hesus, Rei di Pas. Mi ta deseá duna boso e pas, i bosonan mester biba e pas aki den boso kurason i plam´ é tur kaminda, pa Dios su pas por reina rònt mundu . Danki pasobra boso a tende mi yamada!" 12/2002


BackHomeOverviewInfo
Last Modified 12/26/2002